Архангай аймгийн Хашаат сум, Булган аймгийн Рашаант сумын нутгийн зааг Элсэн тасархайн Тарнын голын гүүрний тулгуур баганад эвдрэл үүсчээ. Тус гүүрэнд үерийн улмаас суулт өгч эвдрэл үүссэн байна. Гүүрээр зорчих тээврийн хэрэгслийн хөдөлгөөнийг нэг эгнээгээр зорчуулахаар болгож тэмдэг, хашилт хаалт хийжээ. Иймд иргэд, жолооч нар энэ чиглэлд зорчихдоо замын тэмдгийн заалтыг баримтлан хөдөлгөөнд анхаарал болгоомжтой оролцохыг Архангай аймгийн цагдаагийн хэлтсээс анхаарууллаа.