УИХ-ын хаврын чуулган маргааш 10.00 цагт нээлтээ хийнэ. Хаврын чуулганы нээлтэд Монгол Улсын Ерөнхийлөгч Ц.Элбэгдорж оролцож үг хэлэх юм байна.
Монгол Улсын Yндсэн хуулийн 33 дугаар зүйлийн гурав дахь хэсэгт “Ерөнхийлөгч УИХ-ын чуулганд өөрийн тааллаар оролцож болно” хэмээн заасан байдаг. Монгол Улсын Ерөнхийлөгч үндсэн бүрэн эрхийнхээ дагуу чуулганы нээлт болон бусад хуралдаанд тааллаараа оролцдог тул хаврын чуулганы нээлтийн ажиллагаанд ийнхүү оролцож үг хэлэх юм байна.