Хаврын тэргүүн сарын шинийн 7-ны билэгт сайн өдөр төвийн бүсийн томоохон морин уралдаан Төв аймгийн Аргалант суманд болж байна.
“Дүнжингарав-2017” наадам өнөөдөр эрлийз морьдын уралдаанаар эхэллээ. Төв аймгийн Баян сумын МУ-ын манлай уяач Х.Цогтсайханы сартай хээр түрүүлж Завхан аймгийн Тосонцэнгэл сумын уяач МУ-ын манлай Т.Галбадрахын хээр аман хүзүүджээ.
Гуравт Төв аймгийн Лүн сумын уяач Б.Билэгдэмбэрэлийн хээр айрагдсан бол Архангай аймгийн Их тамир сумын уяач Т.Ганболдын хар бор дөрөвт хурдалж айргийн тавд Булган аймгийн Баяннуур сумын уугуул Аймгийн алдарт уяач Ч.Содномын хар хурдалж хурсан олныг баясгаж тод манлай торгон жолоогоо өргүүлжээ.
О.ӨНӨР