Олимп, дэлхийн аваргын мөнгөн медальт тамирчин Н.Төгсцогт бямба гаригт ээлжит тулаанаа хийх гэж байна. Тулаан АНУ-ын Алабама мужийн Бирминхэм хотын 17 600 хүний суудалтай ордонд болох бөгөөд FOX USA, USA FOX Sports 1, USA Fox Espanol, United Kingdom Sky, New Zealand Sky, Panama Channel 4 ТВ сувгууд шууд дамжуулан үзүүлэх аж.
Энэ удаад Н.Төгсцогт Филиппиний боксчин, 23 настай Жхон Дамас Жеминотой тулалдана. Түүний өрсөлдөгч мэргэжлийн рингэд 23 тулаан хийснээс 15 ялалт байгуулж, долоо ялагдаж, нэг тэнцэж байжээ. “The Disaster” буюу “Гамшиг” хочит Жхон Дамас Жемино чансаагаараа дэлхийд 33 дугаарт эрэмбэлэгддэг тамирчин юм байна.