Зүүн Азийн өсвөрийн шатарчдын аварга шалгаруулах II тэмцээн 2017 оны зургадугаар сарын 17-26-нд Улаанбаатар хотноо Монголын үйлдвэрчний эвлэлийн соёлын төв ордонд зохион байгуулахаар болжээ.
Өнгөрсөн онд Азийн шатрын холбооноос энэхүү тэмцээнийг зохион байгуулах эрхийг Монголын шатрын холбоонд олгохоо албан ёсоор мэдэгдсэн юм. Азийн шатрын холбооны гишүүн дөрвөн холбоо энэ тэмцээнийг зохион байгуулах эрхийн төлөө өрсөлдөж Монголын шатрын холбоо ийнхүү шалгарсан юм. Сүүлийн 10 гаруй жилд Монголын өсвөрийн шатарчид тив, дэлхий, олон улсын тэмцээнээс удаа дараалан олон арван алт, мөнгө, хүрэл медаль хүртсэн өндөр амжилтын эзэд болсон билээ.