Жил бүрийн эхний улиралд спортын төрлүүдийн УАШТ зохион байгуулагддаг. Үүний дагуу энэ сард хүндийг өргөлт, бокс, чөлөөт бөх, жүдогийн төрлүүдийн улсын аваргууд тодрох юм байна. Үүний салхийг хагалж хүндийг өргөлтийн УАШТ өнөөдөр эхэллээ.Уг тэмцээн Спортын төв ордонд хоёр өдөр үргэлжлэх аж.
Тэмцээнд 16 байгууллагын 152 орчим тамирчид хурд хүч, авхаалж, самбаагаа сорин өрсөлдөж байгаа гэнэ. Паралимпийн төрөлд Э.Содномпэлжээ хүрэл медаль хүртэж “Бөртө чоно”-ын эзэн болж, гавьяат тамирчин цол тэмдэгээр энгэрээ мялаасан юм. Мөн ОУХМ М.Анхцэцэг оюутан залуучуудын Азийн аварга болж элэг нэгтнүүдээ баярлуулсан зэрэг хүндийг өргөлтийн тамирчдын хувьд өнгөрсөн жил амжилт бүтээлээр дүүрэн байсан билээ.