Тайландын парламент өчигдөр хаан ширээ залгамжлуулах асуудлыг хэлэлцээд64 настай ханхүү Маху Вачиралонгкорныг дараагийн эзэн хаанд өргөмжлөхөөр болжээ. Тэрээр өмнөх хааны цорын ганц хүү нь юм байна. Энэ шийдвэр гарах үеэр шинэ хаан ХБНГУ-д байжээ.
Тайландын өмнөх хаан Пхумипон Адульядет 1946 онд хаан ширээнд сууж, 60 жил хаанчилсны эцэст өнгөрсөн сарын 13-нд нас нөгчсөн юм. Хааны шарилыг одоогоор ордонд нь байрлуулсан бөгөөд өдөр бүр хэдэн арван мянган хүн орж салах ёс гүйцэтгэж байгаа аж. Хааны шарилыг ирэх жилийн намар чандарлана. Түүний дараа л шинэ хааныг ширээнд нь залах юм.