Өчигдөр болсон УИХ-ын чуулганы хуралдаанаар 2017 оны төсвийн тухай хуулийн төслийг хэлэлцсэн. Энэ үеэр гишүүд хэлэлцэж буй сэдвээсээ хазайж, асуудалд огт хамаарахгүй зүйлийг ярьсан.Хэлэлцүүлгийн үеэр УИХ-ын гишүүн Ө.Энхтүвшин УИХ-ын дарга М.Энхболдыг чуулганы хуралдааныг дэгийн дагуу явуулахыг шаардсан юм.
Тэрбээр “Яг ярьж байгаа сэдвээсээ халиад, дэвэн дэлхийн юм ярьж байна. Хэн дуртайд нь үг хэлэх эрх өгөөд яриулаад байдаг. Уг нь энэ чинь төсөвтэй холбоотой асуудлаар хэлэлцэж байгаа. Гэтэл гучин минут дэвэн дэлхийн юм ярилаа. Ийм учраас УИХ-ын дарга та энэ асуудалтай холбоотой саналаа хураадаг болмоор байна. Мөн З.Энхболдын тасалдаг нь зүйтэй юм шиг санагдаж байна” гэв.