Монголд жилийн жилийн 10, 20 сая төгрөгийн төлбөртэй сургуулиуд байдгийг хүн бүр л мэднэ. Гэвч эдгээр сургуульд төсвөөс жил бүр “хувьсах зардал” нэрээр 25 тэрбум төгрөг төсөвлөжээ. Зарим нь бүр жилийн 30-40 саян төлбөртэй байгаа. Харин 5-6 сая хүртэлх төлбөртэй сургуулиуд цөөнгүй хэд байна. Зарим эх сурвалж болон, хэвлэлийнхний дурьдсан тоо баримтаас харахад, өндөр төлбөртэй сургуулиад жилдээ сургалтын төлбөрөөс хамгийн багадаа 20 тэрбумын ашиг олдог аж. За 20 тэрбум нь худлаа байя, цэвэр ашиг нь 2-3 тэрбум байлаа ч гэсэн багагүй мөнгө биз дээ. Ийм их ашигтай ажиллаж байгаа сургуулиуд хувьсах зардлаа төрөөс авах ямар ч шаардлага байхгүй.
Эдийн засаг хямралтай хаа хаанаа хэцүү энэ үед ингэж хувийн хэвшлийг ялихгүй мөнгөөр дэмжсэн царай үзүүлэх нь хэнд ашигтай юм бэ, тэртээ тэрэнгүй баячуудын хүүхдүүд борчуудын хүүхдүүдээс хэдэн арав дахин эрх ямба эдлэн сурч боловсорч байгаа. Харин ирээдүйд хэн нь улс орноо авч явах вэ гэвэл хэн хэн нь л авч явна. Хүүхэд харах үйлчилгээний мөнгийг хайр найргүй хасчихаад эцэг эхчүүд нь хэвлэлийн хурал хийж явахад тоохгүй мөртлөө хэзээ ч хувьсах зардал өгөхгүй гэсний төлөө жагсаж сүйд болохгүй хувийн сургуулиудын захирлуудын төлөө төр ингэж санаа тавих хэрэг байна уу.
О.ӨНӨР