Оросын төрийн Думын доод танхимын сонгууль болж өндөрлөлөө. Саналын 50 хувийг тоолсны дараа 53.54 хувийн саналыг Нэгдсэн Оросын нам авлаа гэж Оросын сонгуулийн төв хорооноос мэдээлж байсан юм. Коммунист нам 14 хувийн санал, Либерал ардчилсан нам 13.9 хувийн санал авчээ. Бусад намуудын авсан санал 5 хувиас хэтрээгүй байна. Оросын төрийн думын доод танхимын энэхүү сонгууль есдүгээр сарын 18-д холимог тогтолцоогоор явагдсан юм.
Тухайлбал, 225 депутатыг намын жагсаалтаар, мөн тооны гишүүнийг нэг мандаттай тойргоос сонгосон аж. ОХУ-д 2003 оноос хойш анх удаа парламентийн сонгуулийг ийнхүү холимог тогтолцоогоор явуулжээ. Сонгуулийн насны 111 сая хүн бүртгэгдэж нийт 39 дүүрэгт сонгуулийг нэгэн цаг дор явуулжээ.
О.ӨНӨР