Гэр бүлийн
хүчирхийлэлтэй тэмцэх тухай хуулийг 12 жилийн дараа шинэчлэн, өнгөрсөн хавар
батласан билээ. Энэ хууль нь одоо чуулганаар хэлэлцээд буй Эрүүгийн хууль,
Зөрчлийн хууль болон Эрүүгийн хэрэг хянан шийдвэрлэх тухай хууль, Хууль
сахиулах ажиллагааны тухай хууль, Шүүхийн шийдвэр гүйцэтгэх тухай хуулиудтай
нягт уялдаатайгаар хуульчлагдсан юм. Уг хууль энэ сарын 1-нээс эхлэн хэрэгжиж
эхлэхээр байсан ч МАН-ын Засгийн газар уг хуулийг эгүүлэн татсан юм.
Энэ шийдвэрийг эсргүүцэн эмгэнэл
илэрхийлэхээр Нээлттэй Ардчилсан нам Шинэчлэлийн нэгдсэн хөдөлгөөнөөс маргааш
буюу есдүгээр сарын 3-ны 20:00 цагт “Үндэсний цэцэрлэгт хүрээлэн”-д лаа
асаах аяныг зохион байгуулахаар болсон байна. Энэ үеэр тус
хөдөлгөөнийхөн иргэдээс гарын үсэг цуглуулан, УИХ-д шаардлага хүргүүлэх аж.