Франц улсад ирэх онд Ерөнхийлөгчийн
сонгууль зохион байгуулагдах билээ. Тэгвэл экс Ерөнхийлөгч Николя
Саркози ерөнхийлөгчийн сонгуульд нэр дэвшихээр болсноо албан ёсоор
мэдэгдсэн талаар “www.dailymail.co.uk” мэдээллээ.
Николя Саркози өчигдөр 20.00 цагт өөрийн
твиттер хуудастаа “Эргэж буцалтгүйгээр шийдлээ. Би ирэх онд зохион
байгуулагдах Ерөнхийлөгчийн сонгуульд нэр дэвшихээр боллоо. Энэ тулаанд
заавал ялалт байгуулах болно. Намайг дэмжээрэй. Францын хамгаалалтыг
нэмэгдүүлэх цаг ирлээ” гэж жиргэжээ.
Саркози 2007-2012 онд Ерөнхийлөгчөөр
ажилласан билээ. Гэхдээ тэрбээр сонгуульд өрсөлдөхөө мэдэгдсэн ч Бүгд
найрамдахчууд түүнийг дэмжих нь тодорхойгүй байна. Учир нь тус намаас
Ерөнхий сайд асан Ален Жюппе болон Франсуа Фийон нар сонгуульд нэр
дэвшихээ саяхан мэдэгдсэн юм.
Францад гарч буй цуврал халдлагаас болж өнөөгийн Ерөнхийлөгч Франсуа Олландын нэр хүнд огцом унажээ.