Сэргээн засалт, хөгжлийн үндэсний төв хөгжлийн бэрхшээлтэй иргэдээс элэгний B, C вирусын шинжилгээ авч, урьдчилан сэргийлэх вакцинжуулалтанд хамруулахаар болжээ.
Элэгний BC вирус болон хавсарсан хөгжлийн бэрхшээлээс урьдчилан сэргийлэх зорилготой уг арга хэмжээ өнөөдөр буюу наймдугаар сарын 22-нд Сэргээн засалт, хөгжлийн үндэсний төвийн II байранд эхэлж, энэ сарын 25-ны өдрийг хүртэл үргэлжлэх аж.
Сүүлийн жилүүдэд Монгол Улсын хэмжээнд элэгний халдварт болон халдварт бус өвчлөл эрс нэмэгдэж 10 хүн тутмын 1 нь элэгний “B” вирусын халдвартай гэсэн Эрүүл Мэндийн яамнаас гаргасан судалгаа байна. Иймээс нийгмийн зорилтод бүлэг болох хөгжлийн бэрхшээлтэй иргэдэд эрүүл мэндийн тусламж үйлчилгээг жигд хүртээмтжэй хүргэхээр уг арга хэмжээг зохион байгуулж байгаа ажээ.