Өчигдөр АСЕМ-ын Дээд түвшний оролцогчид болох Японы Ерөнхий сайд Шинзо Абэ болон Өмнөд Солонгосын Ерөнхийлөгч Пак Гын Хэ нар Монгол Улсын Ерөнхийлөгчийн хүндэтгэлийн оройн зоогийн үеэр хэлэлцээ хийжээ.
АНУ-д үйлдвэрлэсэн баллистик пуужингийн довтолгооноос эсэргүүцэн хамгаалах төхөөрөмж болох ТHAAD-ыг Өмнөд Солонгост суурилуулахаар шийдсэнийг Шинзо Абэ дэмжиж байгаагаа илэрхийлжээ. Мөн дэлхийн хоёрдугаар дайны үеэр Японы цэргүүд солонгос эмэгтэйчүүдийг хүчирхийлж байсан асуудлыг дахин хэлэлцэхээр болжээ.