УИХ-ын чуулганаар Шүүхийн шийдвэр
гүйцэтгэх тухай хуулийн анхны хэлэлцүүлгийг хийлээ. Уг асуудалтай
холбогдуулж зарчмын болон найруулгын зөрүүтэй асуудлаар санал хураагаад
эцсийн хэлэлцүүлэгт бэлтгүүлэхээр Хууль зүйн байнгын хороонд
шилжүүллээ.
Монгол Улсын нэгдсэн төсвийн 2017 оны
төсвийн хүрээний мэдэгдэл, 2018-2019 оны төсвийн төсөөллийн тухай
хуулийн төслийг хэлэлцэх эсэхийг дэмжлээ. Төсвийн хүрээний мэдэгдэлтэй
холбогдуулж саналтай гишүүд байгаагүй тул Төсвийн байнгын хороонд
шилжүүлсэн юм.
Нэмэгдсэн өртгийн албан татварын тухай
хуульд нэмэлт, өөрчлөлт оруулах тухай хуулийн төслийг хэлэлцэх эсэхийг
дэмжиж, Төсвийн байнгын хороонд шилжүүллээ.
Хог хаягдлын тухай хуулийн шинэчилсэн
найруулга болон холбогдох бусад хуулийн төслүүдийг хэлэлцэх эсэхийг
дэмжиж, БОХХААБХ-нд шилжүүллээ.
Киноны тухай болон холбогдох бусад
хуулийн төслүүдийг хэлэлцэх эсэхийг дэмжиж, анхны хэлэлцүүлэгт
бэлтгүүлэхээр Нийгмийн бодлого боловсрол соёл, шинжлэх ухааны байнгын
хороонд шилжүүллээ.
Яг одоо төсвийн төлөв байдлын талаар мэдээллийг Сангийн сайд Б.Болор танилцуулж байна.