Өнгөрсөн бямба гаригт Хойд Солонгос шумбагч онгоцноос
баллистик пуужин харвав. Энэхүү
туршилтын талаар Өмнөд Солонгосын Штабын дарга нарын нэгдсэн газраас
мэдэгджээ. Хойд Солонгосын шумбагч онгоц тус улсын зүүн нутгийн Хамгён-Намдо
мужийн Шинпо боомтоос холгүй Японы тэнгист байрлаж байжээ. Тус пуужин 30 орчим км ниссэн байна. Хойд Солонгосын талаас хийсэн
мэдэгдэлд, өнгөрсөн оны арванхоёрдугаар
сард явуулсан туршилтын үеэр гарсан алдааг засч, дөрвөн сарын дараа дахин
туршиж байгаа талаар дурдсан байна. Улмаар пуужингийн туршилт амжилттай болсон
гэж мэдэгджээ. Мэдэгдэлд, энэ туршилт нь усан доороос цохилт өгөх ажиллагааны
шаардлагыг бүрэн хангаж, Хойд Солонгосын цэргийн хүчийг бэхжүүлж буйн илрэл
боллоо гэжээ.
БНАСАУ-ын Гадаад хэргийн сайд Ри СуЁн “Associated
Press” агентлагт өгсөн ярилцлагадаа “Бид олон улсын хориг арга хэмжээнээс
айхгүй. Хэрвээ АНУ Өмнөд Солонгостой хамтарсан тактикийн сургуулилтаа зогсоовол
БНАСАУ цөмийн туршилтаа зогсооно” гэж мэдэгджээ.