Өнөөдөр манай улсад Итали улсын парламентын Сенатын танхимын ерөнхийлөгч Пьетро Грассо айлчилж байна. Түүнийг өнөө өглөө УИХ-ын дарга З.Энхболд Чингисийн талбайд угтан авсан юм. Сенатын танхимын Ерөнхийлөгч Пьетро Грассо айлчлалынхаа хүрээнд Монгол Улсын Ерөнхийлөгч Ц.Элбэгдоржид мөн бараалхлаа.
Ноён Пьетро Грассо Монгол Улсад албан ёсны айлчлал хийхийн зэрэгцээ дөрөвдүгээр сарын 21-23-ны өдрүүдэд зохиогдох Ази-Европын Парламентын Түншлэлийн 9 дүгээр уулзалтад оролцож, Ази-Европын Парламентын Түншлэлийн 8 дугаар уулзалтын Ерөнхийлөгчийн хувьд Ази-Европын Парламентын Түншлэлийн 9 дүгээр уулзалтын нээлтэд үг хэлэх юм.
Айлчлалын гэрэл зургийн сурвалжлагыг хүргэж байна.
Гэрэл зургуудыг Ц.МЯГМАРСҮРЭН
