Ц.Баярсайхан заанд холбогдох хэргийг мөрдөн байцаалтад буцаалаа

Төв аймгийн Баян-Өнжүүл сумын уугуул, Гавьяат тамирчин, улсын заан Ц.Баярсайхан бусдаас хуурамч бичиг баримт ашиглан 500 сая төгрөг залилсан хэрэгт холбогдсон билээ.

Өнгөрсөн нэгдүгээр сард болсон Баянзүрх, Сүхбаатар, Чингэлтэй дүүргийн анхан шатны шүүх хурлаас Ц.Баярсайхан заанд 11 жилийн хорих ял, чанга дэглэмтэй хорих ангид эдлүүлэх, хоёр сая төгрөгийн эд хөрөнгө хураах, хохирогч Т.Алтанцэцэгт учруулсан хохирлоос төлөөгүй үлдсэн 390 сая төгрөгийг төлүүлэхээр шийдвэрлэсэн билээ. Харин өчигдөр Нийслэлийн давж заалдах шатны шүүхэд түүний гомдлыг хэлэлцээд, хэргийг нэмэлт мөрдөн байцаалтад буцаасан байна.