“Эрүүл-Монгол клуб”-ээс өнөөдөр мэдээлэл хийж, Ерөнхий сайдад шаардлага хүргүүлэхээ мэдэгдэв. Тодруулбал, эрүүл мэндийн салбарын удирдлагууд хариуцсан ажлаа сайн хийдэггүй үүнээс болж уг салбар уналтад ороод байна гэж үзэж байгаа аж. Үүнээс болж эрүүл мэндийн салбарын нэр хүнд, ажиллаж буй эмч, мэргэжилтнүүдийн нийгэмд эзлэх байр суурь, үнэлэмж огт байхгүй, хүний нөөцийн бодлого алдагдсан зэргээс үүдэж, үйл ажиллагаагаа цаашид үргэлжлүүлэх боломжгүй болсон гэнэ. Тиймээс “Эрүүл-Монгол клуб”-ийнхэн дээрх асуудлуудыг нэн даруй шийдэх, эрүүл мэндийн салбарыг цааш үргэлжлүүлэн авч явж чадах эрхзүйн чадамжтай, мэргэжлийн, мэргэшсэн, салбарын менежерийг сонгон томилохыг Ерөнхий сайд Ч.Сайханбилэгээс шаардаж байгаагаа албан ёсоор мэдэгдлээ.