Өнгөрөгч онд нийслэлийн Сонгинохайрхан дүүрэгт архи согтууруулах ундаа хэрэглэсэн үедээ хүүхэддээ хутга тулгаж, цонхоор шидэхийг завдсан хэргийн мөрдөн байцаалт дуусч хавтаст хэргийг прокурорын байгууллагад шилжүүлжээ.
Хэргийг сануулбал, Сонгинохайрхан дүүргийн 16 дугаар хорооны тоот байрны 280 тоотод суух 27 настай эрэгтэй Б согтууруулах ундаа хэрэглэсэн үедээ гэрийнхээ хаалгыг дотроосоо түгжин хоёр болон зургаан насны хүүхдээ есөн давхрын цонхоор шидэхийг завсан юм. Үүнийг харсан хөршүүд нь мэдэээлэл өгч ОБЕГ болон цагдаагийн алба хаагчид хэргийн газар ажиллаж цонхыг хагалан орж хүүхдүүдийн амь насыг аварсан. Харин сэжигтэн Б алба хаагчдыг эсэргүүцэн өөрийн төрсөн хүү хоёр настай Б-д хутга тулгаж сүрдүүлсэн байдаг. Энэхүү хэргийг Сонгинохайрхан дүүргийн цагдаагийн хэлтэст шалгаж байсан юм. Шүүхээс дээрх этгээдийн гэм буруутайг тогтоовол Эрүүгийн хуулийн 181.2 үндэслэлээр гурваас дээш таван жил хүртэл хугацаагаар хорих ялаар шийтгүүлэх юм.