ШӨХТГ-аас хийсэн шалгалтаар худалдааны төв, дэлгүүрүүд бараа бүтээгдэхүүн нэг бүр дээр англи, орос, монгол тайлбарыг наагаагүй зөрчил илэрсэн байна.
Ийм тайлбаргүйгээс хэрэглэгчдэд худалдагчаар дамжуулан бараа бүтээгдэхүүний орц, найрлага, зориулалтын талаарх мэдээллийг өгч байсан аж. Тухайлбал “Хятад дэлгүүр”-т борлуулж буй хүнсний бүтээгдэхүүнүүд бүгд хятад тайлбартай, жинлэж зардаг бүтээгдэхүүнүүд нь шошго, тайлбаргүй байжээ.
ШӨХТГ-ын байцаагч нар бараа бүтээгдэхүүн дээр монгол тайлбар наагаагүйгээс хэрэглэгчид орц тунг тааруулахгүй, хадгалалтын горимыг зөрчихөд хүрдгийг хэллээ. Буруу хэрэглэснээс эрүүл мэнд, гоо сайхнаараа хохирох эрсдэлтэй байдаг ажээ. Иймээс ШӨХТГ-аас зөрчил илэрсэн аж ахуйн нэгжүүдэд импортын бараа бүтээгдэхүүн нэг бүр дээр монгол тайлбар заавал наасан байх шаардлагыг тавьсан байна.
Хэрэглэгчийн эрхийг хамгаалах тухай хуульд бараа бүтээгдэхүүний тайлбар англи, орос, монгол хэлээр байна гэж заасан байдаг.