“Рио-2016” олимп болоход ердөө зургаахан сарын хугацаа үлдээд буй. Тамирчдын хувьд олимпийн эрхээ авах чухал тэмцээнүүд болж байна. Тухайлбал, өнөөдөр Энэтхэгийн Дели хотноо буудлага спортын олимпийн эрх олгох Ази тивийн сүүлийн тэмцээн болох гэж байна.
Манайхаас энэ тэмцээнд урт бууны төрөлд эрэгтэй, эмэгтэй, гар бууны төрөлд эрэгтэйчүүд бүтэн багаараа оролцох бөгөөд дасгалаасаа хамаараад 1-2 олимпийн эрхийг олгох юм. Тэмцээн ирэх сарын 2-ны өдрийг хүртэл үргэлжлэх юм.
Дашрамд дуулгахад, буудлагын шигшээ багийн тамирчдаас Хөдөлмөрийн баатар, гавьяат тамирчин О.Гүндэгмаа (гар буу), ОУХМ Ц.Мөнхзул (гар буу), ОУХМ Г.Нандинзаяа (урт буу) нар “РИО-2016” олимпийн эрхээ аваад байгаа билээ.