“Сургалтын төрийн сангийн санхүүжилтээр гадаадад магистрантур, докторантурт суралцах хүмүүсийг шалгаруулах журам”-ын дагуу гадаадын нэр хүндтэй их сургуулийн магистрантур, докторантурт суралцах иргэдийг шалгаруулж, суралцуулах бүртгэл эхэлж байна. Бүртгэл маргааш буюу нэгдүгээр сарын 18-наас II сарын 15-ны хооронд явагдах юм байна. Та бүртгүүлэхийн тулд esis.edu.mn/grant холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөж илгээх ёстой.
Суралцуулах мэргэжлийн чиглэл
Монгол Улсын Засгийн газрын 2014 оны 71 дүгээр тогтоолоор баталсан дор дурдсан тэргүүлэх ач холбогдолтой мэргэжил:
Магистр:
– Боловсрол
– Соёл, урлаг
– Анагаах ухаан, эрүүл мэнд
– Хөдөө аж ахуй
– Эрчим хүч, дэд бүтэц
– Уул уурхай
– Зам тээвэр,
– Барилга, хот байгуулалт,
– Байгаль орчин, ногоон хөгжил
– Мэдээллийн технологи
– Суурь шинжлэх ухаан, тэргүүлэх технологи
Доктор:
– Боловсрол
– Соёл, урлаг
– Анагаах ухаан, эрүүл мэнд
– Барилга, хот байгуулалт,
– Хөдөө аж ахуй
– Эрчим хүч, дэд бүтэц
– Байгаль орчин, ногоон хөгжил
– Мэдээллийн технологи
– Суурь шинжлэх ухаан, тэргүүлэх технологи
Дэлгэрэнгүй мэдээллийг Боловсрол, соёл, шинжлэх ухааны яамны http://www.meds.gov.mn/masterdoctor2016 хуудаснаас авна уу.