Өвөрхангай аймгийн Хархорин суманд А хүрээний H1N1 вирусээр өвчилсөн эмэгтэй нас баржээ.
Тус сумын Эрдэнэтолгой багийн иргэн, 27 настай А сумын эмнэлэгт нэгдүгээр сарын 5-ны өдөр амаржсан бөгөөд түүний бие муудаж улмаар өндөр халууран, шээс хаагдсаныг сумын эмнэлгээс уушигны хүнд хатгалгаа хэлбэрийн өвчлөл буюу H1N1 вирус туссан байж болзошгүй гэсэн онош тогтоосон байна.
Улмаар ХӨСҮТ-д хандаж шинжлүүлэхэд “А хүрээний H1N1 вирус”-ийн халдвар авсан болох нь лаборторын шинжилгээгээр тогтоосон талаар бид мэдээлж байсан билээ.
Эмнэлгийн зүгээс шаардлагатай бүх арга хэмжээг авсан ч өвчтөн олон эрхтний дутагдал, амьсгалын дутагдлаар нас барсан байна.
Харин иргэн А-ийн төрүүлсэн хоёр ихэр хүүхдээс H1N1 вирус илэрсэн ба эмнэлгээс шаардлагатай арга хэмжээг авснаар биеийн байдал сайжирч байгаа аж.