Pizza Hut-ийн хүргэгч Б.Баяржаргалын сонирхолтой ярилцлага “Өдрийн сонин”-ы өнөөдрийн дугаарын нэг, зургадугаар нүүрт гарлаа. Тэрээр шинэ жилийн баяраар айлын хаалга андуурч нялх биетэй бүсгүйг горьдоочихжээ. Ингээд буцаж ирээд бүсгүйн горьдоог гаргах гэж эхлээд гамбир гээд хоосон цаасаар хуурчихаж. Харин дараа нь пиццагаа өгсөн гэнэ. Хүргэгч залуу Б.Баяржаргалын энэхүү сонирхолтой ярилцлагыг өнөөдрийн дугаараас хүлээн авна уу.
Мөн УИХ-ын гишүүн А.Бакейн ярилцлага манай өнөөдрийн дугаарт хэвлэгдэв. Тэрбээр Монгол Улсыг 2030 он хүртэл хөгжүүлэх хөтөлбөр болоод Намуудын тухай хууль, Сонгуулийн тухай хуулийн талаар ярилаа. Түүний ярилцлагыг хоёрдугаар нүүрээр тольдоорой.
“Өдрийн сонин”-ы нийтлэлийн бодлогыг тодорхойлж байдаг, нийгмийн үзэл санааны том талбар болдог гуравдугаар нүүрт нэрт нийтлэлч Баабарын “Дипломат ёс По-Монгольски” нийтлэл хэвлэгдлээ.
Жолоочийн зөрчлийн 10 оноо гэж юу вэ, хэрэв зөрчил гаргавал яах вэ гээд олон асуултын хариуг хүргэхээр Замын цагдаагийн газрын хэлтсийн дарга Э.Бөхбатаас ярилцлага авч хүргэж байна. Тэрээр “Иргэдийн амь нас, эрүүл мэндийг хамгаалахад энэ систем чухал нөлөөтэй” хэмээв. Нэг, 11 дүгээр нүүрт түүний ярилцлагыг нийтэллээ.
Нийслэлийн Засаг даргын Тамгын газрын дарга Ё.Гэрэлчулууны ярилцлага нэг, дөрөвдүгээр нүүрт гарлаа. Тэрээр “Хотын амьдрал улс төр хэрэггүй, тэнд сайн менежер хэрэгтэй” гэв.
Өнөөдрийн дугаарын нэг онцлох ёстой ярилцлага долдугаар нүүрт хэвлэгдэв. Улсын заан Ц.Баярсайханы холбогдоод буй хэргийн тухайд Монголын бөхийн холбооны дэд тэргүүн Д.Данзан, улсын заан Д.Мягмар нар “Өдрийн сонин”-д ярилцлага өгсөн юм. Тэд хууль хүнийг хамгаалах гэж гардаг байтал Ц.Баярсайхан зааны холбогдоод буй хэрэг дээр арай хатуудсан байна. Аливаа зүйлд хэм хэмжээ гэж байдаг. Хохирлыг барагдуулсан байтал ийм шийдвэр гарсан нь хэтийдсэн байна хэмээн байр сууриа илэрхийллээ.
Монголчуудын аз жаргал, итгэл найдварын индексийг гаргажээ. Энэ сонирхолтой судалгааг хийсэн MMCG компанийн захирал Д.Амгаланбаатарын ярилцлагыг 12 дугаар нүүрээс уншаарай. Судалгаагаар дэлхий нийтэд аз жаргалын индекс дөрвөн хувиар буурсан байхад Монголд 15 хувиар өсчээ.
“Монгол кино” нэгтгэлийн дарга Ж.Солонгын ярилцлага 13 дугаар нүүрт гарлаа. Саяхан гавьяат цол хүртсэн эл эрхмийн уран бүтээлийн түүхийг хүүрнэсэн ярилцлагыг өнөөдрийн дугаараас заавал уншаарай.
Эдгээр онцлох ярилцлагуудаас гадна бусад цаг үеийн сурвалжлага, мэдээ мэдээлэл хуваарийн дагуу гарлаа.