Оюутолгойн 5.4 тэрбум долларын бүтээн байгуулалтын төлөвлөгөөний дагуу хүдрийн орд руу 200 км туннель 5-7 жилийн хугацаанд баригдах юм. Өнгөрөгч тавдугаар сард Оюутолгойн далд уурхайн бүтээн байгуулалтын талаар Монголын Засгийн газартай тохиролцож чадсан. хэдхэн хормын өмнө уг бүтээн байгуулалтын гэрээнд гарын үсэг зурсан болохыг Rio Tinto болон Turquoise Hill Resources (TRQ) компаниуд албан ёсоор олон нийтэд мэдээлсэн байна.
Харин маргааш Улаанбаатар хотноо албан ёсоор гэрээнд гарын үсэг зурсныг баталгаажуулах ажиллагаа болно. Гурван жил гацаанд байсан энэ төсөлд гарын үсэг зурснаар манай улсын эдийн засагт томоохон сэргэлт авчирч байгаа төдийгүй, гадны хөрөнгө оруулагчдыг эргүүлэн татах нэг боломж нээгдэж байна.
