УИХ-ын гишүүн
Ц.Нямдоржийн “Шунал, эрх мэдэл, мөнгө гурвыг салгахгүй бол ойрдоо Монглын төр
олигтой нар үзэхгүй” хэмээх гарчиг бүхий ярилцлага “Өдрийн сонин”-ы маргаашийн
дугаарт гарч байна. Түүнтэй өнгөрөгч долоо хоногт баталсан Эрүүгийн болон
Зөрчлийн тухай хууль, бусад цаг үеийн асуудлаар ярилцжээ. Дээрх хуулиуд Үндсэн
хууль зөрчиж байгааг Ц.Нямдорж гишүүн шүүмжилсэн юм. Тодруулбал, “Эрүүгийн
хуулийг шинэчиллээ гээд байгаа Д.Ганбат чинь Эрүүгийн хууль сөхөж ч үзээгүй
хүн. Тийм хүнтэй би юу ярих юм. Том хандлагаар нь авч үзвэл шүүхийн дөрвөн
хууль батлуулчихаад эд нар чинь мундаг том юм хийчихлээ гээд үсэрч байсан биз
дээ. Одоо эргээд хар даа. Бүгд Үндсэн хууль зөрчсөн байна. Ингэж шүүхийг бүхэлд
нь самарч байгаа юм. Наад Эрүүгийн хууль гээчийн чинь согог нь мэдэгдэх
болоогүй. Яг хэрэглээд эхлэхээр нь ер бусын согог дагуулна даа. Эрүүгийн хууль
чинь гурван сая иргэнийг тусгаар тогтнол, газар нутагтай нь гэмт халдлагаас
хамгаалдаг хууль. Үндсэн өгөгдөхүүн нь энэ. Нийгмийн дийлэнх хэсгийг гэмт
үйлдэл, гэмт этгээдүүдээс яаж хамгаалах вэ гэдэг асуудал уг хуулийн гол зорилго
нь байдаг. Энэ хүмүүс шинэчилсэн хууль гээч юм батлуулахдаа гэмт хэрэг үйлдсэн
хүмүүсийг яаж өөхшүүлэх вэ гэдгийг ярьж, үүнд анхаарал хандуулсан. Эрүүгийн
шинэ хуулинд шинжлэх ухааны ямар ч үндэслэл байхгүй. Эрүүгийн шинжлэх ухаан гэж
байдаг юм. …Энэ хууль чинь эрүүгийн эрх зүйгээр мэргэшсэн том хүмүүсийн ярьж,
хийдэг ажил. Жишээлбэл, Нарангэрэл Эрүүгийн хуулиар юм ярьсан бол би үгийг нь
сонсоно. Д.Ганбатаас чинь юуг нь сонсох юм. Жагсаалын бага даргын дайны л
амьтан шүү дээ. Ийм хүнтэй Эрүүгийн хууль яриад маргана гэдэг утгагүй. Үнэ
цэнгүй л байхгүй юу” гэжээ. Ярилцлагын дэлгэрэнгүйг маргаашийн дугаарын 12, 13
дугаар нүүрнээс уншаарай.