ИХ дахь “Шударга ёс” эвслийн бүлгийн дэд даргын
хувиар З.Баянсэлэнгэ өнөөдөр нэр дэвшигчийг томилуулах хүсэлтээ Ерөнхий сайдад
өргөн барилаа. Энэхүү хүсэлтэд,
“УИХ дахь МАХН-МҮАН-ын “Шударга ёс эвсэл” нь АН-ын
тавьсан саналд хүндэтгэлтэй хандаж тус намтай хамтран Засгийн газрын байгуулан
ажиллахдаа боловсон хүчний бодлогын хүрээнд Монгол Улсын Шадар сайд, Эрүүл
мэнд, Спортын сайдад МАХН-МҮАН-ын “Шударга ёс эвсэл”-ээс нэр
дэвшүүлж, шийдвэрлүүлж байхаар тохиролцсон билээ. Энэ тохиролцоог хэрэгжүүлэхдээ МАХН-МҮАН-ын “Шударга
ёс эвсэл” нь дотроо Монгол Улсын Шадар сайд, Эрүүл мэнд, Спортын
сайдад МАХН-аас нэр дэвшүүлж шийдвэрлүүлж байхаар мөн тохиролцож тогтсон. Монгол Улсын Шадар сайд Ц.Оюунбаатар Монгол Улсын Шадар сайдын албан
тушаалаасаа чөлөөлөгдөх саналаа МАХН-ын Гүйцэтгэх товчоонд илэрхийлж, Засгийн
Газрын тухай хуулийн 22 дугаар зүйлийн 22.1 дэх хэсэгт заасны дагуу Монгол
Улсын Шадар сайдын албан тушаалаасаа чөлөөлөгдөх хүсэлтээ Монгол Улсын Ерөнхий
сайдад гаргасан байна. Иймд МАХН, АН-ын хооронд тохиролцсон зарчмын дагуу Монгол Ардын Хувьсгалт
намаас Монгол Улсын Шадар сайдад Намбар овогтой Энхбаярын нэрийг, Эрүүл мэнд,
спортын сайдад Цэрэндаш овогтой Оюунбаатарын нэрийг тус тус дэвшүүлэхээр МАХН-аас
албан ёсны санал ирүүлсэн тул уг саналыг үндэслэн МАХН-МҮАН-ын “Шударга
ёс эвсэл”-ээс Монгол Улсын Шадар сайдад Намбар овогтой
Энхбаярыг, Эрүүл мэнд, спортын сайдад Цэрэндаш овогтой Оюунбаатарыг томилуулахаар
уламжилж байна.
Хүндэтгэсэн,
Улсын Их хурлын гишүүн, МАХН-МҮАН-ын “Шударга ёс эвсэл”-ийн
бүлгийн дэд дарга З.Баянсэлэнгэ гэжээ
Харин Ерөнхий сайд уг саналыг хүлээж авах эсэх нь
одоогоор тодорхойгүй байна.