Улаанбаатар хотын Баянзүрхдүүргийн биологийн идэвхтэй бэлдмэлийн үйлдвэрлэл, туршилтын цех
Төлөвлөсөн ёсоор бол энэ барилга 2012-2016 онд ашиглалтад орно. Хоёр тэрбум гаруй төгрөгийн төсөвтэй. Гүйцэтгэгч нь “Түүх соёл” ХХК, зохиогч нь “Очиртааб” ХХК. Харин энэ долдугаар сарын байдлаар ажлын гүйцэтгэл 30 хувьтай. Энэ барилгад 2012 оны арваннэгдүгээр сард 200, 2013 оны долдугаар сард 300 нийтдээ 500 сая төгрөгийн хөрөнгө оруулалт хийжээ. Энэ нь нийт барилгын төсвийн 23 хувь юм. Шинжээчдийн дүгнэлтээр бодит гүйцэтгэл төсвөөсөө долоон хувь хэтэрсэн. Мөн техник хяналтын зардал гэж зургаан сая төгрөг гарчээ.
Улаанбаатар хотын Хан-Уул дүүргийн Мал эмнэлгийн хүрээлэнгийн барилга
Мал эмнэлгийн барилга 2014 оноос эхлэн нэг жил баригдаж ашиглалтад орохоор төлөвлөгдсөн. Нийт төсөв 1.9 тэрбум төгрөг. Гүйцэтгэгч нь “Стройка” ХХК, зохиогч нь “Лайн констракшн” ХХК. Төсвийн 50 хувийг авсан. Ажлын гүйцэтгэл 50 хувь. Техник хяналтын зардалд 24 сая төгрөг зарцуулсан. Төсвөөс 2014 оны арваннэгдүгээр сарын 12-нд 570 сая, 2015 оны долдугаар сард 447 сая төгрөг гаргасан. Шинжээчийн дүгнэлтээр Бичиг баримт бүрдүүлж, барилга угсралтын ажил эхлүүлж, зөвшөөрөл авах шаардлагатай. БСШУЯ-тай байгуулсан гэрээг дүгнэх, сунгах эсэх, санхүүжилт зэргийг шийдвэрлэх шаардлагатай. 2014 онд татагдсан 930 сая төгрөгийг 2015 оны төсвийн тодотголд суулгаж чадвал барилгын ажлыг дуусгах боломжтой.
Увс аймгийн Улаангом сумын Баруун Монголын уламжлалтсоёлын төв
Барилгыг 2013 оны тавдугаар сард эхэлж, 2014 оны аравдугаар сард ашиглалтад оруулахаар төлөвлөсөн. Гүйцэтгэгч нь “Арвижих-Увс” ХХК, зохиогч нь “Өлзий-Иш” ХХК. Барилгын ажлын 70 хувь нь хийгдсэн. Төсөв нь 2.2 тэрбум, үүнийхээ 96.5 хувийг авсан. Техник хяналтын зардалд 37 сая төгрөг гаргасан. Шинжээчдийн дүгнэлтээр зуухны барилга, засал чимэглэл, дээвэр, давхруудын дотор цахилгаан, дулаан, салхивчны ажил хийгдэж байгаад санхүүжилтгүйн улмаас зогссон. Барилга угсралтын ажил зогссонтой холбоотойгоор барилгын дээврээс барилга руу ус орж нэвчихээс хамгаалж барилгын оройг битүүлэх шаардлагатай.
Улаанбаатар хотын Баянзүрхдүүргийн Шинжлэхухааны судалгааны лаборатори
Барилгын хөрөнгийг төсөвт суулгахдаа 2012 онд эхлүүлж 2015 оны аравдугаар сард ашиглалтад оруулахаар төлөвлөжээ. Нийт төсөв 3.9 тэрбум төгрөг. Гүйцэтгэгч нь “Нийслэл өргөө” ХХК, зохиогч нь “Барилга архитектор корпораци” ХХК. Техник хяналтын зардалд авах ёстой мөнгөний тал буюу 35 сая төгрөг авсан. Төсвийнхөө 47 хувийг авжээ. Барилга угсралтын ажил 47 хувьтай. Төсөв нь олон жилээр сунжирсан.
2012 онд 15, 2013 онд 23, 2014 онд есөн хувийг олгожээ. Олгогдсон төсвийг таван удаа тасалж найм, арав, арванхоёрдугаар саруудад олгосон байна. Шинжээчийн дүгнэлтээр барилга угсралтын ажил удаашралтай, гйүцэтгэгчийн зүгээс ажлыг эрчимжүүлэх хэрэгтэй гэж үзжээ.
Х.БАТТӨГС