Иргэдэд амьдарч буй орчноо сайжруулах, ногооруулж цэцэрлэгжүүлэх сэдэл төрүүлэх, иргэдийн экологийн боловсролыг нэмэгдүүлэх зорилготой “Ногоон хашаа” төслийн 2-р шат амжилттай үргэлжилж Гандан Тэгчинлэн хийдэд мод тарьжээ.
“Үндэсний цэцэрлэгт хүрээлэн”, “Чинаагийн Галсан” сан, “МИКА Монгол” ТББ-тай хамтран хэрэгжүүлж буй уг төслийн хүрээнд нийт 9670 мод тарихаар төлөвлөгдсөн бөгөөд үүний 4200 ширхэг модыг гандангийн хашаанд тарьж, иргэдийн олноороо цугладаг бас нэгэн газрын талбайг эрүүл ногоон орчинтой болгожээ.
