Өнгөрсөн онд Сүхбаатар аймагт хулгайгаар 6О цагаан зээр агнасан зөрчил илэрч зохих нөхөн төлбөр, торгуулийг хүлээлгэсэн ч одоо хүртэл төлж барагдуулаагүй байна. Энэ тухай аймгийн Мэргэжлийн хяналтын газраас мэдээлэв.
Энэ нь ямар ч ажил орлогогүй, төлбөрийн чадваргүй, барьцаа хөрөнгөгүй иргэд намартаа зээр агнаж хоол хүнснийхээ хэрэгцээнд ашиглаж байгаатай холбоотой гэнэ. Сүүлийн жилүүдэд нэг зээрийг 100 мянган төгрөгөөр агнах зөвшөөрөл олгож байжээ. Харин энэ намар зээр агнах зөвшөөрлийг аймгийн хэмжээнд олгохгүй юм байна. Хууль бусаар цагаан зээр агнавал толгой тутамд нь 1,0-1,2 сая төгрөгийн нөхөн төлбөр, 384 мянган төгрөгийн торгууль хүлээлгэдэг юм байна.