Чингис хаан нисэх буудлын Хилийн хяналтын бүсэд “Монгол улсад нэвтрэх хоёр дахь виз” гэх утга бүхий 160 ам.долларын сэтгүүл гадаадын иргэдэд худалдсан асуудлаас болж Чингис хаан нисэх буудлын дарга, тус газар дахь Хилийн цэргийн ангийн дарга, Зам тээврийн яамны зарим албан тушаалтнууд хариуцлага хүлээх болоод байгаа.
Өнгөрсөн долоо хоногт Хилийн 0218 дугаар ангийн захирагч Д.Ганбаатарыг ажлаас нь чөлөөлсөн бол, энэ даваа гаригт Чингис хаан нисэх буудлын дарга Д.Дашнямыг үүрэгт ажлаас нь чөлөөлсөн байна.
Харин Ерөнхий сайд Ч.Сайханбилэг Чингис хаан нисэх буудлын даргаар МИАТ-ийн Суудал захиалга, хяналтын хэсгийн ахлагч Д.Дашням гэгч эмэгтэй томилохыг үүрэг болгосон ч түүний Ёс зүйн зөрчилтэй холбоотой гомдолыг МИАТ-ийн ажилчид Ёс зүйн хороо болоод захирал Г.Жаргалсайхандаа удаа дараа гаргасан байдаг.
Харин сүүлийн үед зарим хэвлэлээр Д.Дашням нь Сингапур руу ашиггүй нислэг нээлгэж, нислэг бүрт 30-40 зорчигч байснаас МИАТ компани 2 сая 700 мянган ам.доллар алдагдал хүлээсэн. Үүний хариуцлагийг Д.Дашнямд хүлээлгэхгүй байна зэргээр бичих болжээ.