-Монгол шоронжсон улс болжээ-
Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарын гурван хүнд холбогдох шүүх хуралдаан энэ сарын 10-ныг хүртэл хойшилсон. Шүүх хуралдаанд гэрчээр оролцохоор ирсэн УИХ-ын гишүүн Н.Алтанхуяг сэтгүүлчдэд мэдээлэл өглөө. Тэрбээр “Зохиомол хэрэг үүсгэсэн, хэрэг үүсгэхэд гол үүрэг гүйцэтгэсэн гэрчүүд нь ирсэнгүй. Багануурын уурхайг хохирсон гэж дүгнэлт гаргасан хүмүүс нь ирээгүй байна. Тиймээс шүүх хуралдаан хойшиллоо. Захиалгаар, зохиомол хэрэг үүсгэсэн гэрчүүд нь зугатаад ирээгүй байтал Л.Гансүх нарын гурван хүнийг цагдан хорьчихлоо. Энэ бол Монгол шоронжсон улс болсоны илрэл” гэлээ.