Энэ он гарсаар арван компани МҮХАҮТ-д хандаад байна. Тэд хүнд нөхцөл байдлын гэрчилгээ гаргуулах хүсэлт тавиад буй. Шалтгаан нь ам.долларын ханшийн өсөлт аж. Ханшийн өсөлтөөс болж бизнесийн хэвийн үйл ажиллагаа нь алдагдаж, гэрээний үүргээ биелүүлэх боломжгүй болсон компаниуд арваар тогтохгүй гэнэ. Цаашид ч нэмэгдэх хандлагатай байна гэж танхимаас мэдээллээ. Гадаад худалдаа эрхэлдэг байгууллагууд ханшийн эрсдэлд олноороо өртжээ. Мөн сүүлийн хоёр жилд зогсолт хийсэн барилгын салбарт үйл ажиллагаа явуулдаг зарим компани дампуурах эрсдэлд ороод байгаа юм байна. МҮХАҮТ-д хандсан компаниуд ханшийн эрсдлээс гадна төрийн байгууллагуудтай холбоотой тодорхой баримт бүхий санал хүсэлтийг ч тавьжээ. Тэдтөр бизнесийн үйл ажиллагаанд хэтэрхий их оролцож байна гэсэн шүүмжилж байгаа аж.