БСШУ-ны сайд Л. Гантөмөр зарим ЕБС-д роботын иж бүрэн лаборатори хүлээлгэж өглөө. “Авьяас” хөтөлбөрийн хүрээнд роботын дугуйлан байгуулж, хүүхдүүдийн техник сэтгэлгээг хөгжүүлэн, автоматжуулалтын анхан шатны мэдлэгийг олгох зорилготой байгаа. Тиймээс сургуулиудад роботын иж бүрэн лаборатори өгч буй юм. Нэг бүр нь 1-1.5 сая төгрөгийн үнэтэй энэхүү роботыг цаашид ерөнхий боловсролын бүх сургуульд өгөх юм байна.
Сайд Л.Гантөмөр “Авьяас” хөтөлбөрийн гол зорилго нь хүүхдийн техник сэтгэлгээг хөгжүүлэх, технологийн чиглэлд өөрийнхөө сонирхлоороо суралцахад туслах байсан. Яг ийм роботын, орчин үеийн технологи ашигласан лабораториудыг байгуулахад хүндрэл байхгүй. Бид 100 гаруй сургуульд технологийн, 200 гаруй сургуульд физикийн лаборатори нээсэн байгаа. Түүнтэй нь зэрэгцүүлээд энэ роботын дугуйланг сургууль болгон дээр байгуулна” хэмээв.
