Нийслэлийн Иргэдийн Төлөөлөгчдийн Хурлын тогтоолоор батлагдсан байршлуудад иргэдэд газар шинээр өмчлүүлэх үйл ажиллагааг цахим хэлбэрээр шат дараатайгаар зохион байгуулж байгаа.
2014 онд зохион байгуулагдсан эхний ээлж, 2015 оны нэгдүгээр сараас эхлэн зохион байгуулагдсан 2 дугаар ээлжийн цахим газар өмчлөлийн ажлаар нийт 24766 нийслэлийн иргэн газар өмчилж авсан байна.
Харин газар өмчлөлийн цахим системийн 3 дугаар ээлж тавдугаар сарын 01-нээс эхэллээ. Бүргэлийн хугацаа хуанлийн 15 хоног буюу тавдугаар сарын 15-ны өдөр дуусна.
З дугаар ээлжээр дараахь 11 байршилд иргэдийг бүртгэж байна.
- Сонгинохайрхан, Шижирийн хөндий
- Сонгинохайрхан, Шижир уул
- Баянзүрх, Улиастайн бага ам
- Баянзүрх, Богдын давааны ам
- Хан-Уул, Улаан овоот
- Хан-Уул, Улаан овоот
- Налайх, Нисэх хотхон
- Багануур, Булагтай
- Багахангай, Хангайн хөндийн 2-р хэсэг
- Багануур, Тариан булаг 2-р хэсэг
- Багахангай, Хангайн хөндийн 1-р хэсэг
Иргэд бүртгүүлэхдээ нийслэлийн Засаг даргын Тамгын газрын www.ulaanbaatar.mn болон Өмчийн харилцааны газрын www.umch.ub.gov.mn сайтуудад хандах боломжтой.