Берлин хотын “Aldi” супермаркетын сүлжээнд андуурч хайрцагтай кокаин хүргэгдэн иржээ.
Мансууруулагч бодисийг гадил жимстэй хайрцагт нуусан байв. Түүнийг дэлгүүрийн ажилтнууд олж илрүүлсэн ба нийтдээ 21 сая ам.долларын үнэтэй кокайн байжээ.
Цагдаагийн газрын мэдээгээр, гэмт хэргийн бүлэглэл кокайныг хүргэлтийн компаниар тээвэрлүүлэх үед андуурч супермаркетад хүргэсэн бололтой.
Нийт 386 кг кокаин илэрсэн нь Берлин хотын түүхэнд хамгийн их хэмжээний мансууруулагч бодис илрүүлсэн тохиолдол болж байгаа аж.
Нэгдүгээр сард Берлин ба бранденбургийн Фельтений дэлгүүрийн сүлжээнд 140 кг кокаиныг бас л бананы хайрцагт нуун хүргүүлсэн байжээ.