Монгол Улсын Гавьяат жүжигчин Т.Ариунаа НҮБ-ын Хүүхдийн сангийн элч дуучин билээ. Хүүхдийн сайн сайхны төлөө зохион байгуулж буй тоглолт, сайн үйлсийн аянд оролцдог тэрбээр НҮБ-ын Хүүхдийн сангийн Монгол дахь шинэ суурин төлөөлөгч Роберто Бенестэй уулзжээ. Энэ үеэр тэд ирээдүйд хүүхдийн төлөө хийх ажлынхаа талаар зөвлөлдсөн байна. Мөн цаашид хийх үйл ажиллагааныхаа талаар цаг тухайд нь мэдээлж байхаа фэйсбүүктээ бичжээ.