Өнгөрсөн долоо хоногт Эрдэнэт хотод самбын залуучуудын улсын аваргууд тодорсон билээ. Тэгвэл энэ сарын 11, 12-нд Булган аймагт самбо бөхийн улсын аварга шалгаруулах тэмцээн болох гэж байна. Уг тэмцээний самбо бөхийн дэлхийн аварга, насанд хүрэгчдийн 13 удаагийн аварга, олон улсын хэмжээний мастер Б.Ариун-Эрдэнийн нэрэмжит болгон төрөлх нутагт нь зохион байгуулах юм. Монгол Улсад 13 түрүүлсэн амжилтаараа дээд амжилт тогтоосон түүний самбо, жүдогийн хөгжилд оруулсан хувь нэмэр их байдаг. Б.Ариун-Эрдэнийн хувьд 2002 онд анх түрүүлснээс хойш завсаргүй 13 түрүүлжээ. Үндэсний бөхтэй зүйрлэвэл тэрээр самбо бөхийн дархан аварга гэсэн үг. Тэрээр мөн 2005 онд самбо бөхийн дэлхийн аварга болж байсан юм.