Улаанбаатар хотын Замын цагдаагийн газар өчигдөр нийт 362 дуудлага иржээ. Үүнээс зам тээврийн ослын 256 дуудлага бүртгэгдсэн байна. Тодруулбал, Зам тээврийн осолд 4 хүүхэд өртснөөс сургуулийн насны 3, сургуулийн өмнөх насны нэг хүүхэд байжээ. Түүнчлэн согтуугаар тээврийн хэрэгсэл жолоодож зам тээврийн осолд холбогдсон жолооч 4, явган зорчигч 3, Согтуугаар тээврийн хэрэгсэл жолоодсон 119 жолоочийг илрүүлсэн байна. Тухайлбал, СБД-ийн нутаг Бага тойруу 11 дүгээр хорооллын зургадугаар байрны зүүн замд Т.Gaia маркын авто машины жолооч Г нь явган зорчигч зургаан настай Х-г мөргөж гэмтээгээд хэргийн газраас зугтсан аж.