“Монголын эдийн засгийн чуулган 2015”-ын салбар хуралдаанууд эхэлж байна. Жил бүрийн хавар Монгол Улсын эдийн засгийн өнгө аясыг тольдож, “Эдийн засгийн чуулга уулзалт”-ыг зохион байгуулдаг билээ. Төр засгийн төлөөлөл болон хувийн хэвшлийнхэн цуглаж, тулгамдсан асуудлаа шийдэх гарцыг хэлэлцэж байна.
Яг одоо Институцийн засаглал ба хамтын ажиллагаа, Уур амьсгалын өөрчлөлт ба эдийн засаг, нийгмийн хөгжил, Мэдээллийн ёс зүй /хариуцлага/ салбар хуралдаанууд үргэлжилж байна. Их танхимд болж буй “Макро эдийн засгийн өнөөгийн байдал” салбар хуралдааныг эдийн засагч Д.Жаргалсайхан хөтлөн явуулж байна. Энэ жилийн Эдийн засгийн форум “ИТГЭЛЦЭЛ” сэдвийн дор чуулж байгаа юм.