Засгийн газрын ээлжит хуралдаанаар өчигдөр Төрийн өмчийн хорооны дарга Ц.Нанзанддорж үүрэгт ажлаасаа чөлөөлөгдөх хүсэлтээ өгсөн байна. Энэ дагуу Ерөнхий сайд түүнийг ажлаас нь чөлөөлжээ. ТӨХ-ны дарга асан Ц.Нанзанддоржийн тухайд 2013 оны нэгдүгээр сард албан тушаалаасаа чөлөөлөгдөж байсан ч үндэслэлгүй халагдсан хэмээн шүүхдэж байсан юм. Шүүхийн шийдвэрийн дагуу өнгөрсөн нэгдүгээр сарын 20-нд тус албан тушаалд дахин томилогдсон. Гэвч Ц.Нанзанддорж ажлаас чөлөөлөгдөх хүсэлтээ өөрөө гаргаагүй гэж зарим хэвлэлээр мэдээлж байгаа юм. Энэ тухай “Ц.Нанзаддорж яагаад өөрийгөө ажлаас чөлөөлөгдсөнөө мэдэхгүй байгаа. Тиймээс тэрээр шүүхэд хандах бололтой” гэж мэдээлсэн байв.