Хаврын улирал ирж, нийт нутгаар хуурайшилт ихссэнтэй холбоотойгоор хээрийн түймэр гарах нь ихэслээ. Дорнод, Сүхбаатар аймгийн нутгуудаар хээрийн түймэр гарсан тухай Онцгой байдлын газраас өмнө нь мэдээлж байсан. Тэгвэл Дорнод аймгийн Матад суманд түймрийн улмаас нэг хүн нас барж, хоёр хүн хүнд гэмтэж гурван айлын гэр шатсан байна. Эх сурвалжийн хэлж буйгаар нас барсан хүн нь тус суманд гарсан түймрийг унтараахаар ирсэн Дорнод аймгийн иргэн аж.