Өнгөрсөн баасан гарагт Нийслэлд гал түймрийн дөрөв, орон нутагт гал түймрийн хоёр дуудлага бүртгэгджээ. Үүнд: Hалайх дүүргийн III хорооны “Наран”-гийн 26 дугаар гудамжийн 588 тоотод иргэн Э-н гахайн байр, Сонгинохайрхан дүүргийн IX хорооны нутаг III амбулаторын хашаанд дулааны шугамын худаг, Сүхбаатар дүүргийн 17 дугаар хорооны “Дамбадаржаа”-гийн 19 дүгээр гудамжийн 1900 тоотод иргэн О-н байшингийн дээвэр, Сүхбаатар дүүргийн 19 дүгээр хорооны “Санзай”-н зуслангийн 149 тоотод иргэн Ц-н байшин, Орхон аймгийн Баян-Өндөр сумын Оюут багийн II хорооллын 1а байрны 48 тоотод иргэн У-н өрөөнд эд зүйл, Хөвсгөл аймгийн Мөрөн сумын X багийн 12 дугаар гудамжийн 17 тоотод иргэн Г-н байшингийн дээврийн хэсэг шатаж байна гэсэн дуудлага тус тус Онцгой Байдлын Газрын Аврах, гал унтраах ангийн албан хаагчид шуурхай ажиллан унтраалаа гэж Онцгой Байдлын Ерөнхий Газрын Гамшгийн Шуурхай Удирдлагын Газраас мэдээллээ.