Монголын боловсрол залуучууд солилцооны үндэсний ассоциаци нь дөрвөн А буюу “Америкт Амралтаараа Ажиллаж Аялцгаая” хөтөлбөрийг найм дахь жилдээ хэрэгжүүлж байна. Оюутан залууст зориулсан АНУ-д ажиллах нээлттэй ажлын байрыг тэд санал болгож байна. Энэ удаад Теннесси мужийн ажил олгогч Монголд хүрэлцэн иржээ. Ажил олгочид ажлын ярилцлага авахад бэлэн болсон гэж мэдэгджээ. Хоёрдугаар сарын 10-ныг дуустал “AAAA”-д амжиж хамрагдах боломжтой гэнэ. 18-26 настай, их дээд сургуульд сурдаг, зуны амралтаа үр бүтээлтэй өгнөрүүлэхийг хүсэж байгаа бол хөтөлбөрт хамрагдах боломжтой юм байна. Тус хөтөлбөрийн вэб хуудас нь www.AAAA.mn аж. Вэб хуудаснаас хүссэн мэдээллээ авах боломжтой гэж хөтөлбөрийн зүгээс мэдээлж байна.