Монголын бурхан шашны төв Гандантэгчинлэн хийдэд өнөөдөр бүтэн өдрийн турш Арван Хангал сахиус хурж, орой 19.00 цагийн үед Чойжоо дүгжүү гаргах аж.
Арван Хангал сахиуст Жигжид, Очирваань, Гомбо, Гонгор, Лхам, Жамсран, Дамдинчойжоо, Намсрай, Шалши, Цамба сахиус багтдаг байна.
Чойжоо Дүгжүү хэмээх том балинг гаргаснаар насны барцад саад, өвчин зовлон, үгүйрэл хоосрол, үйлс хазайх зэрэг гэм бүгд арилдаг хэмээх тул сүсэгтэн олон дүгжүү гаргахаас өмнө ирж, сайтар залбиран сүсэлж, аврал даатгалыг хийдэг аж.