Монголын Залуучуудын Холбооны дэргэдэх Залуучуудын хөдөлмөрийн төв бирж оюутан, залуучуудыг байнгын болон цагийн ажлын байранд зуучилдаг. Тус биржээс долоо хоног бүр зуучилсан оюутан, залуучуудын тоог болон нээлттэй ажлын байрыг зарладаг уламжлал тогтоогоод байгаа аж. Тэгвэл өнгөрсөн долоо хоногт байнгын ажлын байранд 29, цагийн ажлын байранд 149 залуусыг зуучилжээ. Одоогоор Залуучуудын Хөдөлмөрийн Төв Биржид байнгын 480 ажлын байр, цагийн 241 ажил нээлттэй зарлагдсан байна.