Египетийн Асусат хотод шувууны фермд ажилладаг 19 настай эмэгтэй “H5N1”-ийн халдвар авч амиа алдсан тухай “www.dailymail.co.uk” мэдээллээ. Энэхүү үйл явдлын дараа тус улсын Ерөнхийлөгч Абдел Фаттах Аль-Сиси “H5N1” бүртгэгдсэн бүс нутагт хөл хорио тогтоож, бүх шувууны фермийн үйл ажиллагааг хэсэг хугацаанд зогсоох шийдвэр гаргажээ.
Тус улсын Эрүүл мэндийн сайд Абдул Намид Абазза “AFP” агентлагт ярихдаа “H5N1″ шувууны ханиад Египетэд бүртгэгдсэн нь үнэн. Халдвартай 120 гаруй тахиа, галууг устгалд оруулсан. Мөн халдварын улмаас амиа алдсан эмэгтэйн ажиллаж байсан фермийг хааж, бүх ажилчныг шинжилгээнд хамруулж эхэлсэн” гэжээ. Эрүүл мэндийн дэд сайд Хосем Абдул Каффар “Egypt TV”-д ярилцлага өгөх үеэрээ “Өнгөрсөн жил шувууны ханиадаар долоон хүн халдвар авч, хоёр хүн амиа алдсан” гэсэн байна.