Маникюр буюу хумс заслын хэрэгслээ ариутгалгүйгээр, хоёр хүнд хуваан хэрэглэснээс болж 22 настай эмэгтэй ДОХ тусчээ. Энэ хэрэг эрдэмтдийн санааг ихээр зовоож байгаа бөгөөд тэд ДОХ-ын вирус дамжих шинэ хэлбэр илэрснийг нийтэд зарлав.
ДОХ-ын вирус бэлгэвчгүй секс хийснээс болж халдварладаг гэдгийг хүн бүр мэддэг ч зүү, тариур, хөхний сүү, бүр маникюрын хэрэгслээр дамждаг нь тогтоогдлоо. Гэхдээ “ДОХ-той хүмүүстэй ойр дотно харилцлаа гээд айх хэрэггүй. Вирус нэг саваас хооллох, эсвэл нэг аяганаас ус уух тохиолдолд халдварлахгүй. Багаж хэрэгслээр дамжих нь ховор байдаг” гэж Лос Аламос дахь Үндэсний лабораторийн доктор Бриан Фолей ярив. Харин цус дамжуулж болох бүх төрлийн хэрэгсэлтэй тун болгоомжтой харилцах ёстой гэнэ. Жишээ нь, хэрэглэсэн тариур, шивээс, зүүний эмчилгээ С гепатит, ДОХ-ыг халдварлуулах эрсдэлтэй.