Эрүүл мэндийн яамнаас өнөөдөр нээлттэй хаалганы өдөрлөг зохион байгуулж байна. Өдөрлөг 11.00 цагт Сүхбаатарын талбай дээр нээлтээ хийсэн бөгөөд 17.00 цаг хүртэл үргэлжилнэ. Иргэдийг үнэ төлбөргүй, даатгалын дэвтэргүй үзлэг хийж зөвлөгөө өгнө.
Нээлттэй хаалганы өдөрлөгт Эрүүл мэндийн яамны харьяа эмнэлгүүд болон Нийслэлийн харьяа 16 эмнэлэг үйл ажиллагаагаа иргэдэд тайлагнаж, үзлэгийг хийж байгаа аж.